Issiqlik ta’minoti va issiq suv ta’minoti xizmatlari bo‘yicha yangi tariflar

📢 Hurmatli toshkentliklar!

Toshkent shahri hokimining 2025-yil 27-oktabrdagi 767-14-0-Q/25-sonli Qaroriga asosan, Veolia Energy Tashkent kompaniyasi tomonidan ko‘rsatiladigan markazlashgan issiqlik ta’minoti xizmatlari uchun yangi tariflar tasdiqlandi.

Ushbu tariflar O‘zbekiston Respublikasining amaldagi qonunchiligiga muvofiq hisoblab chiqilgan.

Hujjatga ko‘ra, 2025-yil 12-noyabrdan boshlab quyidagi tariflar (QQSsiz) belgilandi:

🔹 Bazaviy tarif — 711 641 so‘m/Gkal

🔹 Aholi uchun — 139 860 so‘m/Gkal

🔹 Byudjet tashkilotlari uchun — 952 797 so‘m/Gkal

🔹 Yuridik shaxslar uchun — 342 296 so‘m/Gkal

Davlat subsidiyalash mexanizmi tufayli poytaxt aholisi issiqlik energiyasining to‘liq qiymatini to‘lamaydi — to‘lov bazaviy tarifning 19,7 foizini tashkil etadi. Xarajatlarning 80,3 foizi esa mahalliy byudjet hisobidan qoplanadi.

Tariflar Toshkent shahar hokimiyati tomonidan tizim mutaxassisi tomonidan taqdim etilgan iqtisodiy hisob-kitoblar va texnik ma’lumotlar asosida tasdiqlangan.